自從三個月前男友爸爸中風入院,男友就愁眉深鎖,後來醫院安排左基督教院牧為世伯祈禱,世伯復康過程竟然大大進展,男友高興之餘,開始信教~

之後同男友相處就因信仰而出現變化

1)男友唔再陪我屋企人去拜佛拜神,連去佛堂食齋都唔陪,令我屋企人有d詫異,父母還算開通,明白佢家庭狀況,但嫲嫲就好守舊,暫時未知佢信仰改變,但我肯定嫲嫲知道後覺得佢一時一樣,冇始冇終~

2)男友堅持唔再有婚前性行為。其實性行為唔係問題所在,雖然我地keep住一星期2-3次,但我相信唔做一排都會習慣,最大問題係男友唔想我去佢屋企(佢自己住),佢怕忍唔住,衍生埋佢唔會在婚前單獨去旅行....

----------------------------------------------------------------------------------------------------------------------------到而家已經一個月,為左上佢屋同旅行問題已經嘈左兩次,二人世界嘅浪漫、煮飯仔嘅樂趣冇曬,連之前約好嘅大假都冇得去旅行....

我已經講大家堅定就可以克服性慾誘惑,但佢話知自己係乜野人,見到我一定忍唔到

跟住佢索性叫我停埋食避孕藥,佢話之前太咸濕,要我食藥遷就比佢中出,而家既然唔做就冇需要食....

下星期嫲嫲生日,我還未同嫲嫲講男友唔會陪佢去佛堂食齌,到時又有排煩,我真係唔識點做....?

近幾日我越來越覺同男友生疏,平時男友加班,我會上佢度煮定飯等佢放工,但而家我放得早,冇地方去,好難在街上流連幾個鐘等佢放工食飯,變相我返自己屋企,冇得見面

我好唔開心....我好想去識應新相處模式,但一個身邊最親密嘅人,突然多左隔膜,我要點樣去適應? 用幾耐去適應? 幫幫我

來源：www.caca.press