曾幾何時，森美一度刻意掩藏已婚身份，不過，家陣世界唔同曬， fans接受能力唔同以前，就算偶像結婚甚至生埋細路都無問題，況且佢點睇都唔係偶像派，絕對冇呢個包袱，所以森美同老婆亦唔使再咁避忌。

呢日兩公婆一齊行又一城，主打睇爬山用品，見老婆睇中件羽絨褸，森美亦細心幫眼，已經 42歲嘅森美， T恤加 cap帽，老婆 Veronica都唔輸蝕， 84年同過阿 Sam（許冠傑）和甄妮拍電影《全家福》，做過童星，眨嚇眼都 32年，結婚生埋 B，大仔都 14歲，呢日 T恤短裙，長髮披肩仲束咗個小髻，真係好青春，呢對模範夫妻夾到痺！

森美黐住老婆喺 North Face門口睇嘢，單睇後面，兩個好少男少女 feel。

入到鋪頭，兩個先分頭揀心頭愛。

老婆睇中件羽絨褸，森美亦細心幫眼。

森美同老婆經常帶住一對仔女去行街。