8位紅星公開減肚腩餐單大公開！安仔3周減12磅 Kelly減肥都照食Tea
雖然夏天已經過去，但其實Keep Fit是終身事業，以下圈中8位紅星教你輕輕鬆鬆、閃電式減肚腩大法，梗有一款適合你啩！
1.食菜加唔郁 黎明 黎明早年發福，穿貼身恤衫坐喺度做訪問，啲衫鈕好似被肚腩迫爆咁！為了保持型仔look，Leon決心實行走腩大法：「之前168磅，為拍戲要我去番156磅，依家已達標。」減肚腩減得咁成功，系咪有咩特別嘅方法，佢說：「你哋想知？我話你哋知，好簡單，朝早起身食個火龍果，或者蘋果，或蛋，加咖啡，飲水，去洗手間，下午就菜汁撈纖維素，質飽個肚，坐喺度半個鐘唔好郁，冇energy就會好凍，但唔好郁，著番件衫，一陣只手指就暖番，因為抽緊你脂肪，之後六點鐘食凱撒沙拉，唔可以加煙肉，要加火腿，菜點汁。」
食咁少嘢，有冇見暈，Leon笑言：「拍嘢拍到夜晚12點，整個小米粥，炸菜火腿，卡路里唔高，加埋唔過700，正常人一日需要1,800，7日搞掂！」
Leon減肚腩餐單 早餐：火龍果+蘋果+蛋一隻/一杯咖啡 午餐：齋食菜至飽 晚餐：火腿凱撒沙拉(唔要煙肉)+菜
2.食下午茶減肚腩 陳慧琳 身為兩子之母嘅Kelly表示，曾陀B令體重急升至超過130磅，雖然對一般大肚婆來說唔算重，但愛靚嘅Kelly就接受唔到，因此產子後即最後走腩大計！「諗起以前130幾磅，真系嚇死！我嘅減肥秘訣好簡單，唔好以為一日食一餐就會瘦，因為我少食一餐就會勁肚餓，之後會食番好多，咁吸收就更多，結果反而更易肥！」
Kelly表示，要減肚腩首先要踢走脂肪，佢試過最佳方法居然食埋下午茶！「要少食多餐，所以食肉都冇問題！最好方法就系每樣食物唔好食多過一件！如果餐與餐之間覺得餓，可以多飲水、果汁或食啫喱代替小食，咁就更易消化又有飽肚感。」
Kelly減肚腩餐單 早餐：脫脂奶1杯+蛋白兩隻+麥皮一碗 午餐：節瓜炒牛肉+白飯一碗+豆腐魚湯 下午茶：梳打餅兩塊+低脂乳酪 晚餐：馬蹄蒸肉餅+蒜蓉炒菜心兩碗+白飯一碗+草莓六粒
3.多菜少肉 容祖兒 Joey以往曾被指baby fat，為了搣甩脂肪，採用素食減肥方法，一些蔬菜水果類，還有就是海鮮，少吃一切高脂肪高熱量食物，少食肉，因為多食容易致肥。
減肥方法實行多年，依家祖兒身材勁弗，醒大家減肚腩貼士：「我朝早好少食，要食就食生果，多數食奇異果、蘋果同橙，糖份高嘅瓜類就少食，我自己都唔系咁鍾意食。到午餐就要正常咁食，因為每日都要排舞，如果唔夠營養，或者餓住肚體力唔夠就好易暈，不過我會儘量少食肉同飯，食多些蔬菜豆類，到夜晚就唔可以食飯，只系飲湯，我媽咪有種家傳減肥湯，飲咗會幫到手減肥，呢款湯好處系唔使特別節食配合，但又可以清腸胃，幫助消耗油份，好有效。不過，我減肥會適可而止，絕對唔會減到成個骷髏頭咁樣，個人瘦咗但冇曬精神咁都唔好睇啦！」
Joey減肚腩餐單 早餐∶雪梨汁或楊桃汁一杯+番茄蛋治一份+生果 午餐∶烚菜一碟+生果大量+湯水一碗 晚餐∶烚菜一碟+烚雞扒一件+一碟雜菜沙拉+田雞冬瓜薏米湯一碗
4.熱飲減肚腩 劉德華 劉德華身形廿年如一日咁弗，唔止男士羨慕，相信女士都想知佢點keep！其實好簡單，「唔飲凍嘢，咖啡、奶茶OK，但一定系熱，每日再飲雜果汁，蘋果汁加紅蘿蔔汁補充水份！ 」 廣告 而劉華每逢開個唱前，keep弗餐單更誇張！完全屬於無味人生，無鹽、無油、無糖，只食白烚雞肉，雖然好work，但真系要好有毅力先得！
劉華減肚腩餐單 早餐：熱咖啡一杯+麥片粥一碗 午餐：熱咖啡一杯+多士一份/叉燒雞或燒肉飯(如開工) 晚餐：魚+蔬菜+少許肉(牛除外)
5.飯後行半粒鍾 周潤發 系人都知發哥鍾意行山keep弗，此外，發哥其實食得好清淡，「最緊要戒食甜品，夜晚嗰餐唔好食澱粉質，煮菜儘量少食油，唔好食宵夜，最好早啲食飯，我屋企六點半就開飯，飯後最好行番半粒鍾，咁就唔會有肚腩！」
另外，發哥又鍾意臨瞓前再做運動，咁就會特別好瞓。佢更叮囑大家，平時除正餐外，唔好再食零食，慢慢就會見效，「咁樣減肥比較健康，我一直唔贊成食藥減肥。」
發哥減肚腩餐單 早餐：一碗白飯+青菜+魚 午餐：同上 晚餐：青菜+海鮮
6.急減之選 許志安 如果大家想快啲操弗身形，可以參考安仔呢個方法！安仔早年為個唱進行密集式操練，配合營養師的餐單，成功減掉12磅兼練出42寸結實胸肌及六嚿腹肌！ 廣告 安仔笑言呢個絕對系無啖好食高纖低脂餐單，不過若大家肯的起心肝，一定會同佢一樣可以做到三周減12磅效果！ 廣
