最近「宇宙 G.E.M. 」認真威威，佢11月5日現身美國太空總署（NASA），在矽谷的Ames研究中心，G.E.M. 唔只出席有「科學界奧斯卡」之稱嘅「科學突破獎」頒獎禮，仲擔任埋頒獎嘉賓，喺台上獻唱中文歌，呢次G.E.M. 認真衝出國際，不過就有大批網民話無見一排，佢似乎變咗樣喎…仲話佢埋咗線！
一直有「宇宙 G.E.M.」之稱嘅鄧紫棋（G.E.M.），唔通真係同太空特別有緣？
話說講返轉頭佢點解會有個咁嘅稱號，就要講到2014年，佢成為了亞洲首位華人形象大使，當時仲話2015年會去荷蘭阿姆斯特丹接受訓練，準備飛上太空。
當時宇宙巨G.E.M.仲有post過唔少著曬太空衣嘅相，可惜最後都未有達成使命，未有上到太空，17年G.E.M.就話收到email呢次太空旅行唔能夠成行。
上次唔成行唔緊要，呢次G.E.M.就獲邀去到美國擔任表演嘉賓，出席堪稱係「科學界奧斯卡」嘅「科學突破獎」（Breakthrough Prize）頒獎禮，更在台上表演唱中文歌，認真威水！
出發前 G.E.M.都有在網上貼文，話自己收到邀請時完全係受寵若驚，真係發夢都估唔到！
佢話：「有點小緊張，因為以前在占士邦電影裏看到Pierce Brosnan時，根本沒想過有一天他將介紹我出場然後聽我唱歌！而且當晚唯一的另一位表演嘉賓更是我從小超級無敵仰慕的Lionel Richie，反正我好興奮好激動，必須表達一下，哈哈哈！」
「宇宙 G.E.M. 」呢日以一身低胸晚裝現身，在台上跟主持人交流時，佢介紹自己係來自香港，之後就獻唱中文歌，係電影《太空潛航者Passengers》中文主題曲《光年之外》。
個面幾尖…
呢次雖然都令唔少網民覺得G.E.M.揚威國際，非常值得港人驕傲，但大家的重點除了落咗G.E.M.的英文﹑唱功之外，最受關注嘅反而係佢個樣！
近睇鼻樑似乎真係比以前挺咗喎！
有少少唔自然個表情，唔通真係「膠」咗？
好多網友留言都話覺得G.E.M.唔同咗樣，差少少唔認得佢！
網友：「個鼻似埋左線」﹑「塊面好似細左」﹑「微整過啦」
睇返G.E.M. 接受訪問時，眼利嘅網民都話真心唔同咗樣！
睇返G.E.M.個樣，其實認真由頭到腳全身都瘦咗好多，以前嘅baby fat 全部撇甩曬！不過鼻樑位﹑下巴位又似乎係比以前唔同咗嘅…
輪廓係咪比以前立體咗呢？！
