凍齡功夫一流！
月尾踏入49歲的梁小冰，同陳嘉輝結婚18年，育有一子陳洋溢，今年都11歲嘞！日前晚上，美魔女在尖東噴水池附近，同一位小鮮肉拍國產劇。見細細粒的小冰捱凍穿上露膊白裙非常搶眼。雖然已將近半百，但小冰笑起來仍似少女般那麼燦爛，凍齡功夫一流！
親自湊仔嘅小冰透露「清晨五點起牀做早餐，帶孩子上學，跳舞個半鐘，減肥肉。」唔怪得外表咁young啦！
近排，香港開電視重播返15年港視首播即掀起話題的《導火新聞線》，皇阿媽(梁小冰飾)惡鬥方凝(周家怡飾)勁好睇，連小冰近日都話有睇返，話是她「近年一個十分喜歡嘅經典角色」。
《導火》嘅惡霸皇阿媽，又有得睇嘞！
日前，素顏小冰和55歲丈夫撐檯腳自拍，兩個都好保鮮。
早前，小冰在社交網po了她當年選港姐時的舊相，90年港姐冠軍係袁詠儀、亞軍係翁杏蘭，小冰得季軍。她寫了一段長文留言，話自己當年參選時只有20歲，是最嬌小的一個，93磅、腰圍得22吋，手腳如牙籤，全身好似皮包骨，的骰身形造就她不老傳說。
日前，小冰翻貼90年選美照，話當時93磅、22吋腰，穿特製加細碼泳衣。
小冰呢個露膊造型，唔差過溫碧霞！
日前晚上7時，小冰和一隊操普通話的crew在尖東拍外景。見她對手是一位年約三十歲的小鮮肉，對手咁young，年近半百的小冰都頂得住。見她捱冷穿上露膊白裙拍戲。長髮飄逸齋賣靚樣，行來行去，兩take收貨。之後，她換上一條桃紅色貼身裙，要扮飲醉酒由型男扶上車。同樣兩、三take就快靚正收工，然後馬上換返件長袖衫加外套，坐車走人。
小冰換過桃紅色貼身裙和小鮮肉做對手戲。
年近半百嘅小冰，拍埋型男身邊都襯O架！
