2018年09月23日

唐詩詠自言現時衣著尺度較大，最緊要靚。

唐詩詠和朱千雪昨日到尖沙嘴出席商場的萬聖節活動，穿低胸裙的唐詩詠表示並非刻意性感，自言現時衣著尺度較大：「最緊要靚就得。」問是否因為單身，所以尺度較寬鬆？她說：「都係嘅，如果拍拖嘅話會尊重同聽另一半意見。」那舊愛洪永城以前是否管得很嚴？她再說：「呢啲我唔記得喇。」

明天中秋佳節，唐詩詠將要在工作中度過：「我同陳敏之拍緊劇，或者到時叫佢帶個囝囝嚟陪我。」她反而期待下月的萬聖節，希望放假去玩：「我記得前幾年同楊怡一齊去主題公園玩，因為化曬鬼裝，冇人認得我哋，玩得好開心。」

朱千雪昨日玩遊戲時勁開心。

朱千雪早前到日本拍旅遊節目，透露行程中趁空檔到藥妝店掃貨：「平時衫褲可以上網訂，但日本嘅化妝同護膚品真係比較特別，我以前都唔鍾意行，但?家每次都要入去買啲嘢。」她現正修讀法律系博士，踏入新學期功課繁忙，無暇跟新加坡醫生男友見面：「上次因為打風取消曬啲機，跟住我哋都冇再見過面，惟有FaceTime同短訊聯絡。新加坡好近，有假期就可以飛過去。」

採訪：曹家誠

攝影：仇志德